حوار الكاتبة زهراء الفتلاوي مع الدكتور ليث صلاح ضيف مجلة الاصرار الثقافية
في البداية ارحب بك في مجلة الاصرار الثقافية وابدأ بأحد
الاسألة المهمة من هو دكتور ليث صلاح؟
شكرا جزيلا عالاستضافة وان شاء الله اكون ضيف خفيف الظل
عليكم ليث صلاح حسين الخالدي
طبيب تدرج في م ضاري الفياض العام كنت سابقا
اعمل في م الكندي التعليمي
ماهو سبب اختيارك لمجال الباطنية (القلبية تحديداً) ك محتوى
بحساب حضرتك ؟
اول ما دخلت الطب كانت رغبتي انو اشلون اكدر الزم القلب
بيدي واعرف الامراض الي بي فكانت رغبتي في البدايه
انو اكون جراح قلب لكن بسبب ظروف البلد غيرت تفكيري
نحو الباطنيه -قلبية وبالاخص قسطرة شرايين القلب علمود
اكون قريب من الشيء الي احبه
لو لم يكون محتواك بهذا الاختصاص فبأي اختصاص سيكون؟
ما مفكر بشي ثاني امانة لان هالشي استهواني وما انطاني
مجال افكر بفرع اخر
طيب دكتور من خلال خبرتك بأختصاص الباطنية _القلبية
ماهي القواعد العامة التي تنصح بها الشخص من اجل ان
يحافظ على صحته القلبية؟
1:-الابتعاد عن السمنة والاهتمام بالاكل الصحي
2 -الرياضيه اليومية مثل المشي لمدة ٣٠ د
٣-الابتعاد عن التدخين والمشروبات الكحولية
٤-الابتعاد عن العصبية والنرفزة الزائدة
دكتور السؤال الوارد بكثرة هل تعتبر امراض القلب
من الامراض الوراثية؟
بالتاكيد الوراثة لها علاقة بامراض القلب فهي ناتجة
عن مجموعة متداخلة من العوامل الجينية والبيئية
طيب والسؤال الاخر والايضاً وارد بكثرة ان استهلاك
كمية كبيرة من الشاي والقهوة تؤدي الى الاصابة بلنوبات
القلبية؟مامدى صحة هذه المعلومة
حسب الدراسات الاخيره وجدت انو تناول القهوة ممكن
تقلل من الاصابه بامراض القلب مثل تصلب الشرايين
يعني عكس المفهوم بين الناس واكو بعض الامراض
ننصح بيها يبتعدون عن القهوة مثل الخفقان لان هي
احد المحفزات الها واحنا بدورنا ننصح انو يكون شرب
القهوة والجاي بطريقة معتدله لا افراط ولا تفريط
يقال ايضاً ان زواج الاقارب من الممكن ان يؤدي الى
اصابة الطفل بنوبات قلبية فما صحة هذهِ المعلومة؟
يعني اذا الطفل يولد وكان الابوين مصابين وخصوصا
زواج الاقارب باحد الامراض القلبية الولادية فهو
معرض للاصابه بهذه الامراض اكثر من الطفل الذي
يكون والداه غير اقارب
ماهي اصعب الحالات التي مرت على دكتور ليث
في مسيرتة الطبية ؟
هي صعبة وممتعة بنفس الوقت لان بفضل رب العالمين
انقذنا روح كان على مشارف الموت
رجل خمسيني كان مصاب ب تصلب الشرايين
(الشائع بالجلطة القلبية) وتعرض الى ارتجاف
بطيني مميت ،اعطيناه اكثر من ٢٠ صعقة كهربا
ئية والحمدلله رجع للحياة وعاش
كتور ليث هل اثر بك الطب بصورة عامة ؟
بكل تأكيد اشوف المرضى مثل الفشل الكلوي ما يكدر
يشرب ماء على راحته او مريض السكر ما يكدر ياكل
شي حلو براحته او مريض الجلطة الدماغية وهو فاقد
للذاكره اشكر ربي انو اعطانا الصحة والعافية
وجعلنا سبب في انقاذ الناس
برائيك هل يعانى العراق من ضعف الإمكانيات
فى المجال الطبي مقارنة بالخارج؟
العراق يمتلك قامات علمية كبيرة حتى ما تلگيها بالخارج
لكن الخلل بالمقومات الموجودة والمستلزمات المطلوبة
طيب دكتور من وجهة نضرك ماهو اكثر مجال طبي
يعاني من ضعف الامكانيات بلعراق ؟
كل المجالات لان احنا نداوم بالمستشفيات ونشوف كدامنا
كل الافرع تعاني من الضعف للاسف الشديد
ماهي رؤيتك حول مستقبل الطب في العراق؟
والله اتحفظ عن الاجابة العميقة لهذا السؤال لكن البراهين
الي نملكها حاليا مدتبشر بخيربمستقبل الطب بالعراق
في كل عمل او مجال نجد الصعوبات فما هي ابرز الصعوبات
التي واجهت دكتور ليث ؟
من يكون المريض محتاج دواء ما متوفر وانت
ما تكدر تسويله شي
من تعمل تحت ضغوط والمستلزمات غير متوفره
مثل الي يطلب منك شغل ياباني وهو مواده صينية
نصيحة لكل المقبلين او الراغبين لطب العام؟
الطب شي حلو وممتع وتكدر تبدع وتوصل مراحل حلوه
لكن لازم تنتبه انو الواقع الي تعيش بي هو عكس المخيلات
الي ترسمها ببالك للاسف الشديد ،لازم تكون صبور وتتحمل
ماهي الاسس التي يعتمد عليها في اختيار التخصص
من وجهة نضرك؟
اولا :- الرغبه الشخصيه لان كل شخص يعرف
بقدراته ويا مجال ممكن يبدع بي
ثانيا :-توفيق الفرع الي يحتاجه مع
الامور الثانيه كالبيت والعائلة
دكتور هل تتفق على ان التواجد في المجال الطبي يعني
الابتعاد عن معظم انشطة الحياة ؟
هو بهالشكل امانة كل شخص يكدر يوفق بين الشغل
بالطب وبقية انشطة الحياة
لكن حقيقة هناك بعض الاوقات تنجبر تكون بعيد
بحكم الدراسه والعمل بنفس الوقت
لكن بالنهاية تكدر تمارس نشاطاتك عادية لكن بحكمة
دكتور كلمة أو جملة ترغب في إيصالها لقارئ هذا الحوار
اكو شي احب كل قارىء يعرفه
اكو فرق بين الحالات الطبية الطارئة والاستشاريه
يعني مو كل حاله لازم الشخص يروح للمستشفى ،اكو
مراكز صحية قريبة يكدرون يرحون وهي تقرر اذا
كانت الحالة طارئة وتسويلهم احالة للمستشفى
اتمنى الكل يصير عنده وعي طبي بهالخصوص
دكتور ليث كان حوار ممتع مع حضرتك اسعدتني جداً
الحوار جميل مع حضرتج والاسئلة كانت حلوه
ومتنوعة اتمنالك كل التوفيق
ليست هناك تعليقات:
إرسال تعليق