كل تأخيره بيها خيره بقلم الكاتبة المبدعة زهراء يوسف

 

وكل خيره بنهاية المطاف عبرة وكل عبرة تولد خبرة 

بس الخبرة تجي وأنت فاقد صحتك او اهلك او ناسك القريبين منك وربما سنين من عمرك 

لحتى تصل وتكون شخص راضي عن نفسه راح تفقد كثير وراح تشوف اشكال وانواع اشخاص ومواقف بالحياة بساعتها ما تفهم الجاي يصير بعد مدة ربما قصيرة او طويلة لكن تكتشف أنو كلشي صار حتى توصل لشخص يهتم بس بروحه وراضي عن نفسه ومن تصل لهل مرحلة راح يصل معاك جُمل او اسئلة مثل (المفروض او جان ما لازم يصير هيج لو صار هيج شنو جان راح يصير مثلاً وليش هيج صار بعدين تكول ترجع يلا عادي يمعود ما ياثر )هي هاي شغلات بذات وصلتك لنقطة تشوف محد يستاهل غير نفسك 

ونقطة الضعف مجرد خط تمشي عليها وتعبرها لحتى تكون شخص قوي داخلياً وخارجياً .