حوار الكاتبة زهراء الفتلاوي مع الدكتورة حوراء جاسم ضيفة مجلة الاصرار الثقافية
في البداية ارحب بكِ في مجلة الاصرار الثقافية الالكترونية
ونبدأ بأحد الاسأله المهمة من هي حوراء جاسم ؟
طموحه وذات طاقه ايجابيه
اتخذت من قصتها مع السادس بداية لأنطلاقها في
مجال صناعة المحتوى
يمكن لان عاشت بيها قصة ومعاناة وفقدان
تحاول گد ما تكدر تساعد ب الي تكدر عليه وتبث الطاقه الايجابيه
لو كان عليكِ أن تستمري في مجال واحد من المجالات
التي انتِ بها الآن فأي مجال سيكون؟
ابقى اساعد الناس وافيدهم ب الي اگدر عليه ولو
بكلمة لان جان ضمن اهدافي بعد ما اخلص سادس
اساعد الناس ب الي اكدر عليه ويفيدهم لذلك
دائماً احاول اكون ايجابيه
كيف عرفت حوراء ان طب الاسنان هو
الاختصاص المناسب لها؟
ماعرفت حوراء انما كان هذا اختيار رب العالمين
الها يمكن لان تستحقه او راح تنجح بي
اختيارات رب العالمين النا دائماً خير 🤍
لو لم تكوني في طب الاسنان فبأي مجال ستكونين؟
ناشطة بحقوق الانسان وهيج اشياء
رائي عائلة حوراء بدخولها طب الاسنان كيف كان؟
عائلتي جانت سند الي وهذا اختيارهم كان والسبب
الرئيسي لدخولي هالمجال هو ان احقق حلم والدتي
الي ماكدرت تحققه بسبب الظروف
ماهي رؤيتكِ حول مستقبل طب الاسنان في العراق؟
الصراحه ما ينعرف بسبب تضخم الاعداد بس ك
مجال كلش حلو وجاي يتطور ما ثابت ع شي معين
نصيحة لكل المقبلين او الراغبين لطب الاسنان؟
اذا عدكم رغبه بي وداخلين اله بحب وشغف راح تبدعون
وتنجحون وخصوصا الفنانين الي عدهم مواهب
لان ببساطه قسم يجمع بين الفن والعلم
دكتورة حوراء تعتبرين نفسك مؤثرة على السوشيال ميديا؟
بشهاده الناس كلش هواي 🤍
الصراحه اني عندي لو كان تأثيري
ع شخص واحد كلش كافي
بالاضافه الى انو بعدني ما صارلي هواي بي
بس كدرت احقق شي معين الحمدالله
طيب كيف خطرت في بالك فكرة صناعة المحتوى؟
كتلج من زمان ببالي هالفكره بس جانت
مؤجله الى بعد التعيين
بس حسيت هسه وقتها ممكن افيد غيري خصوصاً
طلاب السادس لان اني مريت بشي معين
ومعاناة وهواي اشياء
ف ماريد الناس تأيس او توكف ع شي
خصوصاً طلاب السادس
ف غايتي جانت مساعده🤍
هل حقق محتواك النجاح المطلوب ؟
جاي يحقق الحمدالله 🤍
حوراء هل ترسمين أهدافكِ للمدى البعيد
أم تكتفين بلتخطيط لفترة زمنية محددة؟
احب اخطط لهواي اشياء بالمستقبل وابدي اسعى
الها يعني ابد ما اوكف على شي معين
واذا وكفت ف شرف المحاوله يكفي
ما الإنجاز الأكبر الذي تفتخر بهِ حوراء؟
گدرت اشوف الفرحه بعيون اهلي وامي
خصوصاً من نقبلت طب اسنان وگدرت احقق حلمها
في كل عمل او مجال نجد الصعوبات فما
هي ابرز الصعوبات التي واجهتك؟
اذا كان بمجال طب الاسنان ف هو اصلا قسم
متعب ويحتاج طاقه كلش هواي
اذا قصدج ع السادس الحمدالله لحد فتره
الامتحانات ماعندي صعوبات
الصعوبات اجت من استشهاد خالي بفترة
الامتحانات جانت كلش صعبه عليه
هل كان لأحد دور في ان تجتازين الايام الصعبة؟
امي 🤍
نقطة التغير في حياة حوراء؟
شاكل وظروف مريت بيها
حولتني من شخص لشخص ثاني تماماً
حوراء قبل ٧ سنوات مو هاي حوراء
الي تحجي وياج
طيب كيف تقيمي ما وصلتي لهُ الان ؟
اذا من ١٠٠
٨٠٪
بالنسبه الي انجاز لان ما توقعت راح اتغير
هذا التغيير او ممكن اتغير بس مو مره وحده
هل إثرت السوشيال ميديا على حوراء؟
تأثير ايجابي
لان الاشخاص السلبيه اطلعها من حياتي او ممكن
تكون علاقتي سطحيه بيها او ما تابعها اصلا
كيف ترى حوراء الحياة من وجهة نضرها
في السنوات الخمس القادمة؟
حياتي الخاصه
ان شاءالله احسن حال وبالمكان الي استحقه
واستاهله واكيد بتوفيق الله مو تدبيري
اذا كان لديكِ ورقة توضح تاريخ وفاتك
هل تفتحيها ام لا؟ ولماذا؟
افتحها
حتى اكدر اعرف التاريخ وابقى احقق كل
الاشياء الي تمنيت احققها طول فتره حياتي
كلمة أو جملة ترغبين في إيصالها لقارئ هذا الحوار
اتمنى من كل شخص يقراها
اسعى شكد ما تكدر واتعب وخلي الباقي بيد رب
العالمين هو الي يتكفل بكلشي
شكد ماتتعب الله راح يعوض تعبك
اختيارات رب العالمين النا حيل حلوه وبالمكان الي نستحقه
ااتعبوا علمود تشوفون الفرحه بعيون اهلكم مو
شرط طلاب اي احد من يوصل لمكان معين
يحب يشارك ناسه فرحته ف اتعبوا علمود هاي اللحظات
دكتورة حوراء كان حوار ممتع مع حضرتك اسعدتيني جداً
حبيبتي والله اني الاسعد وجد شكراً على كل الاسئله هواي حبيتها
ربي يوفقج واشوفج بالمكان الي تستحقي 🤍
هيج ناس هواي فخوره بيهم اني
ليست هناك تعليقات:
إرسال تعليق