حوار الكاتبة زهراء الفتلاوي مع المبدعة و المؤثرة نور مالك عثمان

 

في البداية أرحب بحضرتك بمجلة الاصرار ونبدأ بأحد الاسألة المهمة من هي نور مالك؟

اهلا وسهلا بيكم

اني نور مالك عثمان

بكالوريس تخدير وعناية المركزة

عضو مؤسسة النبض الدوليه

مدربة فريق محاربي الألم طبي

عضو ضمن البورد الأمريكي

مدربة تنمية بشرية معتمدة حاصله على شهاده tot 

مقدمة أكثر من منصات 

مشاركة أكثر من مبادرة 

محفزة 

حاصلة ع عدة شهادات شكر 

أيضا حاصلة ع كتاب شكر من محافظ كربلاء 

أيضا ضمن أبرز الشخصيات لعام 2024 

ضمن أبرز الكفاءات الشابة سنة 2024 

ضمن أبرز المبدعين لسنة 2024

عمري 24 سنة

تخرجت سنة 2024

من محافظة بابل

نور دائما طموحة تحب دوم توصل لي تريده رغم اشياء لي صير وياها حواجز بس باصرارها و ايمانها مستمرة حتى تحقق باقي أحلامها

واني كلش فخورة بنفسي لان وصلت جزء لي اريدة

عندها طاقة إيجابية تخلي لكل يصير إيجابي وتحب تفرح الناس 

صح اني من حققت حلمي لي اريده ولي حلمت بي بس الله اختار لي قسم وحبيته متأكدة راح ابدع بي أكثر

اكيد راح اكون مميزة قسمي

نور ما الذي دفعك لدراسة التخصص الطبي في قسم التخدير، وهل كان لديك شغف بهذا المجال منذ البداية؟

التخصص الطبي من زمان بالي واحارب بي حتى اوصل اله

كلش احب تخصص طبي بكل مجاله لان عندي روح انسانية كلش بهذا تخصص احس إنقاذ الأرواح شي مهم بنسبه آلية احب اساعدهم احب ادعمهم نفسية وجسديا ومريضا احب دائما انقذ الأرواح لان شي المهم هذا بنسبه آلية وحابه المجال الطبي من صغري 

لا ما كان عندي شقف مجال التخدير ابد مو بالي ردت شي وصار شي ثاني 

صح تألمت وعانيت كلش وصلت مرحلة مااريد شي بعد لان خسرت حلمي طب العام 

وهيج فجأة سجلت ع التخدير ولا ع خاطر 

رغم عارضو اسجل تخدير لان بي خطورة كلش بس اني سجلت لي الله راده الحمد لله 

وشوي شوي بلشت اتعود علي ع رغم مرات اذكر اني هل قسم مو بالي 

بس اختيار الله دائما افضل ويعرف راح ابدع بي

طيب نور بما أن حضرتك حاليا خريجة كيف كانت تجربتك كخريجة قسم طبي بلذات؟ وهل حياة الدراسة اصعب من حياة ما بعد الدراسة ام العكس ؟

من أكون خريجه المجال الطبي شي مميز حتى من يسألوني احس فخر انو اني ضمن الكادر الطبي ضمن إنقاذ الأرواح

كلش حلو

الحياة الدراسة صح صعبة ماكو شي سهل دراسة من صغرها نواجه صعوبات لحد ما كبرنا زادت صعوبة

بس تبقى حلوة الدراسة بدل ما كاعد حلوة امتحانات وتفكير بل نتيجه تخلص يومك رغم التعب

لي عنده طموح واهس حتلو تخرج يشوف له شي يكمل سوى شغل غير تخصصه

او ضمن تخصصه حتى هل واهس يضل

اكو بعض يكعدون ما انصح بهذا شي ابد لان الحياة مملة بدون إنجازات واصرار

تبقى الدراسة رغم صعوبة مميزة وماكو فراغ شي ثاني

طيب نور كونك عضوًا في العديد من الفرق الطبية، كيف توفقين بين العمل التطوعي والمهني؟

حسب اذا كان عندي شي واحد منهم راح اكون جاهزة اله قبل يوم

من اقدم محاضرات أيضا اكون جاهزة للمحاضرة بأيام أيضا حتى اقدم شي مميز ولكل يستفاد

أكثر شغلي اكتروني

اغلب حضوري

اي فراغ عندي اقدم واحد منهم حتى لا يشدد عندي ويصير ضغط

حتى نقدر لازم نكون بشي يختلف

نور هل يمكن للإنسان أن يجد التوازن الداخلي في عالم مليء بالضغوط والمطالب الخارجية؟ وكيف ؟

اي يجد هل التوازن لان افكر اني كل هل ضغوطات ع شنو لازم استفاد من شي

ما اخلي لي بداخلي يأثر ع عملي ع طموحاتي واصراري

اخلي التوازن دائما بحياتي شنو اريدة وين اريد اوصل هذا سؤال افكر بي

اذا اخلي كل هل تأثيرات ويا شي خارجي ما اوصل لي اريده ولا اخلي لي حولي يستفادون من شي أقدمه الهم سوى شغل او تقديم شي معين

نذكر انو الحياة اصرار ومحاربة مع الوقت ومع نفسك انت كون انت البطل

ولا تخلي كلشي يأثر عليك

نور بما أن ذكرنا الضغوط والتوازن فهل أثر عملك في الفرق الطبية التطوعية على حياتك الشخصية؟

لا ماكو اي تأثير لان اذكر انو اذا خليته يأثر ع عملي راح اخسر الاثنين ومقابل يمكن ياخذ عليه فكرة انو شي أقدمه مو مفيد

صح اكو مرات تأثير بسيط نكدر نكول

اذا فد يوم طلعت ضغوطات فا اني يمكن واصلة مرحلة أكثر ضغط

بس ما راح افكر يوم واخلي تأثيرات حياتي تأثر ع عملي او فرق او تقدمي

حتى نكون بأجمل صورة واجمل ابتسامة وأفضل لي نقدمة نبتعد عن اختلاط الحياة مع مجال عملي او الفرق

كيف تمكنتِ من التوازن بين العمل كمخدرة وممارسة دور المدربة المعتمدة؟

من كنت طالبة واني مدربة المعتمدة

كنت اكمل قرايتي ويوم لي منصة دزتلي دعوة اقدم افرغ نفسي للمحاضرة بعد ما اخلص قرايتي رغم التعب الدوام ولهوسة

حسب الايام تقدمي اكو إيام مرات عطلة

من تخرجت صار شغل مستشفى وتقديم أيضا تجيني رسايل دعوة منصة تقديم محاضرة وكذا اجهز نفسي الها

اكتروني تقديم محاضرات بليل صح التعب بس حتى نكمل واهسنا ونكمل أكثر طموحات 

اذا كان حضوري هاي صادف ايام العطلة 

فا كتلج التعب سوى مستشفى او من جنت طالبة كلش وازنت وصلت لي اريده

من خلال تجربتك في تقديم المحاضرات والكورسات الثقافية، ما هو الموضوع الذي تعتقدين أنه الأكثر أهمية في تعزيز الوعي الصحي خصوصاً؟

صراحة أكثر موضوع أكثر لي احب دوم أقدمه ولكل يستفاد

الاسعافات الأولية

رغم اكو اكو كثير من أمراض مهمة بس الاسعافات جدا مهمة جدا انصح الفرق تقدمها اني اكثر تقديماتي الاسعافات الطبية

حتلو ما كنت ضمن تخصص طبي واجب عليك تكون تعرف معلومات الاسعافات لان معرضين الها سوى البيت أو خارج البيت

مرات من نسمع احد متوفي شنو سبب مثلا غص بشي محد لحكه

او الأطفال لي تسبح وغرقو لازم اسعافات

او لي عنده جلطة يحتاج اسعافات يحتاج الإنعاش القلبي

كلش هذا معرضين اله حتلو انت مو تخصص طبي واجب عليك تتعلم كل طرق الاسعافات الأولية شي جدا مهم بحياتنا

ماذا تعني لك مهنة التخدير من منظور إنساني؟ وكيف تشعرين حين تساهمين في تخفيف الألم عن الآخرين؟

مهنة التخدير شي حلو صراحة انو انت تكون مسؤول ع روح الناس كلها وما يحس باي شي

شعور حلو من نخفف هل ألم وهل معاناه وكلشي عن المرضى ويطلع بروح حلوة من مستشفى وهو يحمد بيك ويدعي الك

مهنة التخدير كلش حلوة

من تكون انت السبب لتخفيف هل ألم

حدثينا عن فريق "محاربي الألم" وكيف يساعد هذا الفريق في تحسين حياة المرضى؟

فريق محاربي الألم

فريق متمكن من كل نواحي وأعضاء الفريق كلش متميز صراحة كلهم مبدعين وعنده روح انسانيه يقدم كلشي طلبي 

نقدم مبادرات انسانية

وتقديم محاضرات الطبية

وشهادات معتمدة مدير الفريق

شارك أكثر من مبادرة

أكثر من خدمات ضمن الزيارات في محافظة الكربلاء المقدسة بوجود المحافظ أيضا 

حتى نحافظ ع سلامتهم وتلبيه طلباتهم سوى الطبية والخدمية

يحسن بتوجيهات الصحيحة للحفاظ ع سلامة الزائرين

فريق متميز من كل نواحي

هدفه الفائدة للناس

أيضا تم القاء ع قناة الكربلاء للفريق يعني سوو لقاء الهم

نور كيف أثر العمل التطوعي على تطور مهاراتك الشخصية والمهنية؟

تأثيرات إيجابية

كل شي واله تأثير صراحة بكل عمل تقدمي يزيد الج أفكار طموح أكثر واهس انو تستمر

كا شخصيتي أثر بيها هواي انو نور صارت تفكر بس بنفسها شلون توصل لي تريدة

صراحة شي كلش حلو من جنت مرحلة أولى اجاني شعور كلش حلو من بلشت اول طموح اليه وبلشت اصعد تدريجيا شي اريده وصلت جزء منها

ضليت افكر وافكر اني كذا اريد اوصل لشي

غيره لا

واحب كلش انصح اخرين يبقون يستمرون بهذا شي حتى يتغيرون للأفضل

دائما اشوف نفسي أفضل عن نور قبل

لدرجة اكول وين جنت عن قبل وتغيرات لي صارت هواي

كيف تصفين تجربتك كمدربة تنمية معتمدة؟ وهل تعتبرين التدريب جزءًا من رسالتك في الحياة؟

تجربة حلوة صراحة

واحلى منها من جنت أشارك قبل لا اصير مدربة اكول الله ويمت اصير مدربة واقدم مثلهم

والحمد لله حققتها  وإضافة اليه حلوة

اي جزء منها لان كل محاضرة نقدمها الها رسالة للمجتمع ويحس من أفكارة أكثر ويصير أكثر تطور

ويصحح لي باله أكثر

من وجهة نظرك ما هي أهم المهارات التي يجب أن يمتلكها المدرب الناجح؟

كثير من المهارات صراحة

والأهم لي هي تواصل

انو يبدع أكثر عنده جرأه أكثر ما يتوتر من يقدم

يخلي هل تقديم أكثر قوة 

وانو يبدع أكثر وايضا يضل يبحث حتى يوصل شي معين لي يقدم بي محاضرتنا مثل ما نكول الزبدة

حتى مقابل ينجذب أكثر لتقديمه وانو هو عنده هل مهارات كلها اكيد يكون مدرب ناجح 

انو يلتزم بل وقت 

مو والله اني ما ادري تأخرت ما جنت ادري بل موعد او نسيت اقدم هذا اكبر خطأ لازم اكون ملتزم واكون أمام حاضرين ملتزم بكلشي بتقديمي والوقت وتوصل وابداعتي

شلون اخلي مقابل يسال واجاوبه

نور ماذا تعني لك فكرة "التطوير الشخصي"، وكيف تساهمين في تحفيز الآخرين لتطوير أنفسهم؟

التطوير الشخصي

حتى احسن مواهبي اطورها أكثر حتى يصير اليه القدرة ع كلشي اقدم بي سوى وظيفة او مشروع اخر

شي بنيته براسي ارسمه اطوره حتى يكون الخبرة أكثر لنفسي والآخرين

اساهم هذا شي جان صراحة تأثير كلش ع لناس ما توقعت يوم هيج ناس تتأثر بكلامي او انجازاتي ويردون يحققون كلامي لان نصحتهم

اني من نوع محد حفزني او دعمني وكال نور سوي هيج او استمري

استمريت وحدي لحد ما وصلت مرحلة انصح الاخرين انطيهم من نقطة ضعفهم لحد نقطة قوتهم

اكول صح اني محد حفزني خل اكون سبب لتحفيز اخرين ما اخليهم ينحرمون من تشجيع او وصول أحلامهم

الحمد لله كدرت أثر كثير من الناس بكلامي وصلو لي يردو

باقي حققو أحلامهم

من اسمع كلامهم انو اني السبب تاثيرهم كلش افرح

ضليت مستمرة بهل تحفيزات

وانشر الطاقة الايجابية والابتسامة

لديكِ نهج معين في تقديم المحاضرات؟ كيف تجذبين انتباه الجمهور وتحفزينهم؟

اني من نوع من انطي محاضرات مو كبل انطيها شي نسخ

انطي دائما إضافات مني تخلي مقابل ينجذب أكثر انو اني مهتمة كلش استفادة الآخرين

يخلي مقابل يفكر بأكثر من سؤال من خلال اضافه كلامي للمحاضرات

مع نصائح خاصه بل موضع انطيها اي موضوع أقدمه دوم انطي نصائح بيه

هيج يكون هم انطي تحفيز هو انصحهم أيضا اجذب مقابل بيهم أيضا اسلوبي واكون وياهم متعاون

ما هو أكثر شيء فخورة به في عملك كمخدرة وكمدربة؟

كمخدرة فخورة لان ضمن مجال طبي فخورة لان انقذ ارواح

فخورة لان جزء جبير ضمن الكادر الطبي صالة العمليات والعناية المركزة والطوارئ

واكون السبب بتخفيف ألمهم

فخورة لان لكل راهن انو نور فاشله ما تدخل مجال الطب وتلبس المعطف الأبيض ابد والحمد الله وصلت ولبست صدرية وصرت مسؤوله ع ارواح الناس 

كامدربة فخورة لان حققت حلمي وصرت مدربة متعمدة صرت معروفة لو شي بسيط

وانشر الإفادة والتعاون والروح الإنسانية والطاقة الإيجابية

برأيك، ما هي أكبر التغييرات التي يجب أن تحدث في مجال الرعاية الصحية في المستقبل؟

صراحة مجتمعنا اكو هواي اشياء ماكو

بل اخص حكومي اي شي حكومي تلكي هواي عنده نقوصات

اهم من كل هذا النظافة لي لكل ما مهتم الها وما يدرون هي أكبر مرض ع صحى المرضى

عكس اهليات تلكيها نظافة وكلشي تحتاجي تلكي كدامج

حكومي لا تعانين يله تلكين شي تردي

ياريت تكون هل شي يصير يبقون يحافظون ع صحة المرضى ونظافة المكان وتعقيم المستمر

وتكون وياهم بانسانيه اعتبرهم اهلك

لان شايفه كثير من ممرضين او كادر الطبي اذا من أهلك ينطي اهميه أكثر يحافظ علي

اذا هي ناس عاديه مرضى ما يهتم كثير

قليل تلكين شخص يهتم للمرضى ينطي هم نفس أهمية اهله

كلشي تقدمو لناسكم قدمو أيضا للمرضى ولناس لان هذا واجبك

نور ما هو أكبر درس تعلمته من العمل مع الفرق الطبية التطوعية؟

تعلمت لو مهما كان ضغط والتعب اصبر مهما صار لي اريده عكس اصبر شي أجمل

واكون ناجحة بكلشي واي عمل أقدمه افتخر بي

ونكون ايد وحده مع الفرق

والعمل لي ينطو اليه اكو كد هل عمل وتميز بي

كيف تعرفين نفسك عندما تكونين بعيدة عن الألقاب والمناصب؟ ما هو الشيء الذي يميزك حقًا؟

يميزني كوني بنت طموحة وعندها ايجابيات وعندها اصرار تحقق لي تريدة

وصراحة أكثر طيبة وروح انسانية

إذا كان لديكِ فرصة للعودة إلى الماضي وتوجيه نصيحة لنفسك في مرحلة معينة من حياتك، ماذا ستكون؟

انو اكون قوية وما اتأثر برايح وجاي

وما انطي مقابل أهمية أكثر

وانو مهما صار يا نور ابقى تغيرين للأفضل

صراح جان ماضي مؤذي بنسبه اليه بنسبة اليه ماضي جان قوة بنسبه اليه لان جانت نور تتأثر بسرعه بس تغيرت 

نصيحتي الج يا نور ابقي قوية نور

وبطلة بكل مرحلة

الحمد لله تغيرت شكرا للماضي لان علمتني هواي اشياء وغيرت نور

طيب نور كيف تعتقدين أن الوعي الذاتي يؤثر على اختياراتنا الحياتية؟

اي ممكن يأثر اكو هواي من الوعي بل اخص الوعي النفسي يأثر كلش او العاطفي

اذا كان قوته او ضعفه تاثر بي

كذلك الوعي لي هو التطور يكدر يتقدم أكثر بحياته واختياراته الصح

نور سوأل بديهي قليلاً ما هو الشيء الذي تشعرين أنك لا تستطيعين العيش بدونه في الحياة؟

صراحة ما أكدر اعيش اذا ما أنجز شي

من ناحية الأحلام انو كل يوم أنجز حتلو شي بسيط وايضا مساعدة الآخرين

نور هل تعتقدين أن السعادة تعتمد على الظروف الخارجية أم أنها حالة داخلية يمكن للإنسان التحكم بها

صراحه من ناحيتين داخلية وخارجية

اكو اشياء بسيطة تخلي انسان سعيد.

اذا كانت خارجي سعيد وداخل لا يكدر اهنا يكون سعيد صراحة لان خارجي ينطي تاثر كلش مهم ع داخل يغيره

اذا داخلي سعيد وخارجي لا أيضا نفس شي يأثر ويخلي سعيد

وايضا يكدر يتحكم بجهتين

نور إذا كان بإمكانك تغيير شيء واحد في العالم أو في المجتمع، ما هو هذا الشيء ولماذا؟

اغير وعي الناس واغير ثقتهم الزايدة بناس  عن الوعي الناضج عن الثقة حتى يحققون لي يردو

لان بهل وكت للأسف صار مجتمع كله سلبي بل اخص جيل المراهقين لي هي عباره عن اجهزه ورقص وماكو متابعة الاهل

كذلك احب يكون مجتمع أكثر مشاريع نخلي الناس ما عندها تشتغل بي

عزيزتي نور قبل لا ننهي الحوار , رسالة حابة توجهيها لكل شخص يقرأ الحوار وتبقى اثر من نور ؟

استمر بل محاولات استمر بتحقيق أحلامك

مهما فشلت استمر لو ميت محاولة استمر لان الله جاي يشوف تعبك يشوف اصرار ع شي تريده راح يحققه

وركز بنفسك واخذ من اخرين انو صير نفسهم وأفضل

كون قوي دائما وخلي أيمانك وصبرك الأول بكلشي وارضي بخطط الله لان خطط الله تحولك شي أكبر ما تتوقعه توصل للقمة 

كون طموح كون عندك أمل 

وخلي نفسك واهلك فخورين بيك وكل العالم تفتخر بيك

استمر حتى تعلم الاجيال جايه وتكون انت السبب يحجون أيضا قصة نجاحك

نور الملهمة كان حوار ممتع جدا وياج .. نتمنالك التوفيق وشكرا على وقتك

جزيل الشكر حبيبتي زهور جان شي ممتع رغم ساعات

ممتنه الج هواي وع تعبج ان شاء الله دوم اشوفج بأعلى المراتب جزيل الشكر والتقدير والاحترام الج وللمجلة🫶❤️😍جان شي مميز صراحة