شعر بعنولن صورة بقلم الكاتبة بصرة الربيعية
صدفة مريت بدربكم مرات
مره منهن صادفت صورة
مرمية على الزبل
اتقربت بس مـ گدرت
الشفته غير أحوالي
گمت احچي ب هزل
هيچ تاليتك يبعد الروح
تنرمي ذكراك من ذاك النِزل
رحت وشلتها وعلى الحايط ميلتها
وگابلتها وچن عن العالم بديت انعزل
طوفت ذكراك عل بالي ودموعي
على خدي بدت تنْهِمل
فطر على الصورة شفته
چن گلبي هو الي انفطر
بعدني على هاي الصفنة
لكن بگلبي الحچي سكتة
ركزت بتفاصيل وجهك
ضحكتك لچن بيها لچمة
يمن چنت بروحي عايش
ومن گلبي لگلبي امنته
گلي شصفى بيك الگبر
مو جرح الگلب هيجته
حسبت اموت من بعدك
چذاب الي يگول ب الكنة
من تفارگلك عزيزتموت
لو صدك چا من زمن متنه
خل احاچيك بخيالي
يالعزيز يالرحت من دون رده
بعدهي ذكراك عايشةوياي
يالچنت وما زلت أنتَ انتَ
ليست هناك تعليقات:
إرسال تعليق